الفنان مصطفى قمر
تألق الفنان مصطفى قمر بحفل كاسيت 90، والذي أقيم مساء أمس الخميس الموافق 4 يناير، على مسرح أبو بكر سالم ضمن حفلات موسم الرياض.
مصطفى قمر يشعل حفل كاسيت 90
وأشعل مصطفى قمر الحفل الذي يرصد الأجواء تفاصيله، بتغيير كلمات أغنية «مصطفى يا مصطفى» مجاملةً للشعب السعودي، حيث استبدل 5 سنين في العطارين بجملة 5 سنين في السعودية وأنت حبيبي يا مصطفى.
أزمة مصطفى قمر وطارق الشناوي
على الصعيد الآخر، وقعت أزمة بين مصطفى قمر والناقد طارق الشناوي بسبب آخر أفلامه، حيث انتقدها الشناوي قائلًا: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.
وتابع، ومشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.
رد مصطفى قمر على انتقاد طارق الشيخ
ليرد عليه مصطفى قمر قائلًا: بيقول إن الفيلم لا يمت للسينما.. يا نهار أسود طب والأستاذ علي إدريس المخرج ده يبعمل ايه.. بيبيع كفته؟
وتابع، هو ينقد براحته إنما يقول مصطفى قمر فاشل مينفعش بعد 35 سنة نجاح وأغاني و22 ألبوم و12 فيلم وحفلات جوه مصر وبره مصر، ازاي تسمح لنفسك تقول الكلام ده.
واستطرد، هل أنا عجوز يعني؟ أنا أصغر واحد في جيلي، وبعدين بيقول عليا قديم، أنا اللي قديم طب نحط صورنا جنب بعض مين هيبقى قديم فينا، وهو يقدر يقول كل حاجة هو عايزها بس بصراحة حاجة تضحك.
وأردف، باين أنه مستقصد العمل وهل هو شاف الفيلم ولا ماشفش الفيلم؟، هو ماشفش الفيلم، وبينقد وهو ماشفش الفيلم، غريبة أوي أول مرة أشوفها في حياتي.
واختتم مصطفى قمر حديثه قائلًا: من أيام فيلم الحب الأول وهو بينتقدني واتقابلنا في موقف ما وشكله اتقمص مني، ومن وقتها وهو طول الوقت يتكلم عن مصطفى قمر، ومينفعش هو يتكلم على مصطفى قمر كمطرب وهو مش مطرب، أنا دارس مزيكا وبلحن.
