بدرية طلبة بعد تعرضها لحادث سير: رفضت أروح المستشفى عشان شغلي.. وكنت عايشة على المسكنات

الفنانة بدرية طلبة

كشفت الفنانة بدرية طلبة، تفاصيل تعرضها لحادث سير خلال الأيام الماضية، مشيرة إلى أنها تصادمت بسيارة أخرى أثناء تواجدها في الرياض.

وقالت بدرية طلبة في تصريح خاص، إنها تخضع حاليًا لجلسات العلاج الطبيعي بعد رفضها للعلاج حينها، بسبب ارتباطها بأعمال فنية حينها، معلقة: العربية اللي كنت فيها دخلت في عربية قدامنا كسرت علينا، وأنا اتخبطت خبطة جامدة، والإسعاف لما جت المسعفين طلبوا منى إشاعات وإجراءات في المستشفى.

وتابعت بدرية طلبة: رفضت أعمل أي إشاعات علشان خفت، لأن كان عندى شغل مينفعش يتأجل وتحاملت على نفسي لحد ما خلصت، بس قالولي لازم يكون فيه حامل لأيدي علشان فيه حاجة في كتفي، وبقيت عايشة على المسكنات واللزقات الطبية لحد ما خلصت الحمد لله.

وأضافت بدرية طلبة: مكنش فيه حد يحل محلي في الأعمال المشاركة فيها، ولا فيه وقت حد يشتغل مكاني، كان لازم أتحمل لحد ما أخلص، والزملاء كلهم كانوا بيدعموني وأنا كنت عاملة بطلة الأبطال.

واختتمت: التعب حل عليا أكتر، وبدأت في العلاج وجلسات العلاج الطبيعي كانت تجربة حلوة، كل ما اسمع كلمة بدرية شجاعة وجامدة بتتحمل علشان شغلها أتشجع وأبقى فرحانة لأني بحب كلام التشجيع، وبشكر بجد كل الناس اللي كانت بتدعمني ووافقين جنبي وخايفين عليا، واللي لما عرفوا دلوقتي اهتموا واتصلوا وبعتوا رسائل الحب، ده بيقويني ويخلينى أتحمل أي تعب، وربنا يشفيني ويكرمنى في شغلي لأن ده اللي باقي لي.

بدرية طلبة تنعي محمد بطاوي

وسبق وأن حرصت الفنانة بدرية طلبة على نعي الفنان الشاب محمد بطاوي، الذي رحل عن عالمنا منذ عدة أشهر، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

وكتبت بدرية طلبة: أنهاردة مات الممثل الشاب محمد بطاوي، محترم وطيب ملحقش يحقق اللي كان بيحلم بيه الكل حزين فا ياريت الناس اللي مش بتقبل نصيحة ولا بتاخد عبرة من اللي بيحصل الناس اللي بتغلط وتسب وتلعن اللي ناسيين ربنا.

وتابعت: ومش هاممهم عقابه وأن داين كما تدين تدان بطلو ترمو غيركم بالباطل، وتحكموا مين يدخل الجنه ومين يدخل النار دع الخلق للخالق، وأتعظو من موت الشباب وموت الغفلة ربنا وحده اللي عالم مين صح ومين غلط.. خليك انت بس في حالك وأحفظ لسانك علشان ربنا يحسن اخرتك والناس تفتكرك بكلمة حلوة. 

تفاصيل مسرحية التلفزيون

وفي نفس السياق، تدور أحداث مسرحية التلفزيون في إطار كوميدي حول زوجين هما حسن الرداد وإيمي سمير غانم، حيث يجدان تلفزيون سحري في طرد مرسل لهما، ويظهران في داخله ويتنقلان بين قنواته بكل أحداثه وتفاصيله، ويتحكم فيهما طفل صغير من خلال ريموت، ويمران بالعديد من الأزمات والمغامرات الكوميدية.

ويشارك في بطولة مسرحية التلفزيون عدد كبير من نجوم ونجمات الفن، منهم: بجانب إيمي سمير غانم وحسن الرداد كل من أوس أوس، محمود حافظ، سليمان عيد، وبدرية طلبة، تأليف أحمد سعد والي وإبراهيم صابر ومحمد خطاب وإخراج محمد الصغير.

ومن المتوقع أن تحقق مسرحية التلفزيون صدى واسع فور عرضها في موسم الرياض.