محمد رمضان يعلق على أزمة بيومي فؤاد ومحمد سلام: الاتنين مغلطوش وياريت نكون أحن من كدا على بعض

الفنان محمد رمضان

علق الفنان محمد رمضان، على أزمة كل من الفنان محمد سلام والفنان بيومي فؤاد، بسبب مسرحية زواج اصطناعي، التي عرضت في موسم الرياض بالسعودية.

ونشر محمد رمضان، مقطع فيديو عبر حسابه الشخصي بموقع تبادل الصور والفيديوهات انستجرام، وقال: رسالتي لكل جمهوري العربي رأس مال أي فنان أو نجم في الدنيا هو الناس اللى هما حضراتكم، بنطلب من كل حبايبنا وكل اللى حاولينا أمى وأبويا يدعو أن ربنا يحبب فيا الناس والجمهور.

وتابع محمد رمضان: شيء قاسي لما أكتر حد أنت تبقى عايز تسعده وتنال رضاه هو اللى يكون قاسي عليك بالكلام، وكلامى عن زملائي وأخواتى وأنا بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان.

وأضاف رمضان: إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم من هنا على سلام أو بيومي، الاخبار اللى بسمعها اللى إن شاء الله تكون إشائعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللى هو في ضهر أى فنان بيحبه وبيساعده.

واختتم رمضان: ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض.

محمد رمضان يؤجل طرح أغنيته الجديدة تضامنا مع غزة

وكان قدم محمد رمضان اعتذارًا لجمهوره، بسبب أغنيته الجديدة عيد ميلاد، التي من المقرر أن يطرحها مساء اليوم، إذ أشار إلى أنه طلب من شركة الإنتاج تأجيل طرح الأغنية، بسبب الوضع الراهن في غزة، ولكن الشركة رفضت لذلك طالب رمضان متابعيه بعدم سماعها.

وكتب محمد رمضان ستوري، عبر حسابه الشخصي بموقع التواصل الاجتماعي فيس بوك، قال فيه: أغنية النهاردة عيد ميلادي، مع المغني سكيلز، طلبت تأجيلها والشركة في نيجيريا لم تستجب، ولازم أنزلها النهاردة الساعة 5 على قناتي، لأن ده التزام في العقد بس مش مهم تسمعوها لأنها مش وقتها بالنسبة لينا.

محمد رمضان يكشف شخصيته في مسلسله الجديد

وعلى جانب آخر، أعلن محمد رمضان أن شخصيته في مسلسله المقبل، ستكون أبو عبيدة، مشيرًا إلى أن ذلك ردًا على إسرائيل، بعد مطالبتهم الشعب الإسرائيلي بمقاطعة أعماله وأغانيه، بعد الفيديو الذي نشره وحث فيه العرب على الاتحاد والدفاع عن أشقائنا في غزة،.

وقال محمد رمضان في فيديو له، عبر حسابه بـ فيس بوك: القناة العاشرة الإسرائيلية بطالب الشعب الإسرائيلي بمقاطعة أعمالي، لأني عملت فيديو بيحث العرب على الاتحاد، والدفاع عن أخوتنا ونسائنا، ودمنا في غزة وبتقولهم ما تشوفوش مسلسلاته وأغانيه تاني.