أنغام تقدم ابنها على مسرح حفلها بالكويت وتمازح الجمهور: مبروك عليكم ابني كويتي الجنسية

الفنانة المصرية أنغام

أشعلت الفنانة المصرية أنغام حفلها المقام أمس الجمعة الموافق 29 سبتمبر في المسرح الوطني بمركز الشيخ جابر الأحمد الثقافي بالكويت، ضمن فعاليات مهرجان ليلة عمر في نسخته الأولى.

ممازحة أنغام لنجلها في حفل الكويت

وقدمت أنغام ابنها عبد الرحمن على المسرح ومازحته أمام الجمهور قائلة: عبد الرحمن فهد شلبي كويتي الجنسية.. لازم يجي يزور بلده.. علموه اللهجة لإنه لازم يتكلم كويتي.. مبروك عليكم وعليا القمر الكويتي ده ويتربى في عزكم.

لقاء أنغام مع أنس بوخش

من جانبه، قالت أنغام خلال لقائها مع أنس بوخش: فراق عمي كان صعب، لأنه مات صغير عنده 35 سنة، وكنت عارفة إن نهاية حياته موت محتوم، ووقت وفاته في التسعينيات، مكانش في وعي كافي باستيعاب شاب مدمن، وكانوا بيتعاملوا معاه بقسوة، مش كمريض محتاج مساعدة كبيرة وطويلة، وهو كان بيطلب المساعدة وبيحاول يخف.

تصريحات أنغام

وعن وفاة شقيقتها غنوة، أوضحت: مش بحب الفراق وبخاف منه جدًا.. وأهم شيء في العلاقة أن البني آدم يكون حقيقي، وأصعب لحظة مرت عليا على الإطلاق هي وفاة أختي غنوة، رغم إن علاقتنا كانت مش كويسة.

وأضافت: مش بحب أدافع عن نفسي، ومش بحب اتكلم عن حد مش موجود، بس اللي أقدر أقوله بمنتهى الأمانة، عمري ما كنت سبب إني غنوة تزعل مني، أو يحصل بينا المشكلة”.

وتحدثت عن الخلاف بينهما: “دي كانت بنتي مش أختي، الفرق بينا أكثر من 16 سنة، لو عمرها طال شوية كان ممكن الأمور تتغير، وممكن كانت عذرتني ولكن ربنا أراد كدا، هي معرفتش تعذرني وهي كمان معذورة الله يرحمها، لأنها ملقتش اللي يحنن قلبها”.

ووجهت المطربة المصرية أنغام رسالة إلى شقيقتها غنوة، قائلة: “وحشتيني جدا، وحشتني غنوة بنتي الصغيرة، مش غنوة اللي كانت زعلانة وغضبانة، وحشتني البنوتة اللي كنت بسرح ليها شعرها وأخدها في حضني، وأقولها إن ياسين أحلى حاجة انت سبتيها ليا في الدنيا، ولد جميل وزكي وشاطر، وحبوب جدا”.