ياسمين صبري: مش كل الناس بتقدر تيجي تكلمني وبيخافوا.. ولو ثعبان مخططلي هيقع في شره ويحبني لأني أتحب

الفنانة ياسمين صبري

أكدت الفنانة ياسمين صبري، أنها لا تغضب من تعليقات السيدات اللاتي تتمنى أن تمتلك مثل مقتنياتها وملابسها، مشيرةً إلى أنها تحب الأنثى بشكل عام.

وقالت ياسمين صبري: مش كل الناس بتقدر تيجي تكلمني، بيقولوا مش قدها وبيخافوا وبيقولوا أنا هعمل لها أيه وهقدم لها أيه، وبيبدأ يتهز، وأنا أسفة أني بقول كدا، بس كل ست عارفة إمكانية تأثيرها، لو ثعبان جاي يخططلي هيقع في شره وهيحبني، ومش بقول كدا عشان الشكل، ولكن بقول كدا عشان أنا بنت بلد وهادية مش سبور.

وأشارت ياسمين صبري إلى أنها من السيدات المحافظة، ولافتت إلى أن هذا النوع من السيدات يتقل بمرور الأيام، وعن أصدقاء الرجال، أوضحت: معنديش أصدقاء رجالة أخاف الموضوع يقلب مشاعر، ومش حاسه أني عايزه حاجة..

وتطرقت ياسمين صبري للحديث عن كيفية التفرقة بين الرجل الصادق في مشاعره، والغير صادق، قائلة:لو حب الشئ اللي بره يبقى حب اللي جوه، الشئ اللي بيلمع بيجذب ناس كتيرة أوي، ولكن الشعور هو اللي يأكد الشعور ده حقيقي ولا لا، كل ست جواها سنسور، وبتكون عارفة الحقيقة، هل الراجل ده منبهر بيها من بره بس ولا أيه.

ياسمين صبري: أنا بحب الستات أوي وبحب أقولهم إنهم حلوين 

وأردفت ياسمين صبري: أنا بحب الستات أوي وبقدرهم ولما الست بتتكلم معايا على طول أشكر فيها وأقولها انتي قمر وريحتك حلوة، وتستغرب تقولي أنا؟، ومش بسكت وبفضل أؤكد على معلومة إن الست حلوة، ودي صدقة أصلا وجبر خواطر وهترجع وتقعدلك في رزق وجمال وسعادة.. دي فلسفتي.

وأضافت ياسمين صبري:اللي الناس بيشوفوه اه هو حياتي، ومن يومين بقول في الستوري صباح العمل والبركة لقيت الناس بتقولي فين العمل ده انتي بتصوري القهوة بس؟، لأ أنا مش بحب أصدر التعب والحاجة الصعبة مش أكتر، والشغل بيكون صعب التصوير مثلا الإعلان بيتصور في 18 ساعة في اليوم عشان 20 ثانية تطلع. 

ياسمين صبري: أنا لا أكون عدائات

واختتمت ياسمين صبري حديثها، قائلة: أنا لا أكوّن عدائات ودرست ده، ومين يزعل من التطور المادي وليه الموضوع ده بيكون حاجة حساسة بالنسبة للناس، والإنسان لازم يعمل قيمة لنفسه مش بس يعتمد على أنا ابن فلان، بالعكس ده ممكن يبقى نقمة والناس هتعاملك عشان ابن فلان بس، والفلوس حلوة أكيد والأحلى إنك تعرف تعملها.