الفنانة عفاف مصطفى
كشفت الفنانة عفاف مصطفى عن نتيجة مناشدتها لأولاد الزعيم عادل إمام للتواصل معه والاطمئنان عليه سارية على خطى الفنانة مادلين طبر.
تصريحات عفاف مصطفى عن الزعيم عادل إمام
وقالت مصطفى في تصريح خاص: متواصلتش مع الزعيم وفي حد مهم في النقابة كلمني قالي هدي يا عفاف موضوع الفنان عادل إمام شوية.. فأنا مش هكتب تاني خلاص زهقت من الموضوع.
عفاف مصطفى تدافع عن محمد رمضان
على الصعيد الآخر، كانت دافعت الفنانة عفاف مصطفى عن النجم محمد رمضان، بعد الهجوم عليه بسبب مشهد جمعه بالفنانة منة فضالي بمسلسل جعفر العمدة، ظهرا فيه وهما داخل السرير بغرفة النوم.
وقالت عفاف مصطفى في تصريح خاص لموقع تحيا مصر: مهو متصور قدام 100 واحد قاعد في اللوكيشن، هم مش قاعدين لوحدهم الناس دي تجيب جلطة عيب عيب اللي بيحصل دا.. بقينا كلنا متخلفين عقليًا وسلفين.
عفاف مصطفى تناشد المقتدرين لإعالة الأسر الفقيرة
وناشدت الفنانة عفاف مصطفي المقتدرين لإعالة بعض الأسر الفقيرة بقدر المستطاع، وذلك بعد ارتفاع أسعار الدولار، مشيرة أنها تقدم المساعدة من قبل ارتفاع الأسعار بقدر استطاعتها.
ونشرت الفنانة عفاف مصطفي منشور عبر صفحتها الشخصية على موقع التواصل الاجماعي «فيسبوك» قالت فيه: «ظروف صعبه بسبب الأسعار فواجب علي كل مقتدر إعالة أسرة فقيرة أو أكتر بشهرية بقدر المستطاع، واللي هيقولي اعملي انتي الأول أنا ربنا وحده شاهد بعمل إيه ومن قبل كده.
وجاء هذا بعد إعلان الفنان ياسر جلال تبرعه بمبلغ 3 ملايين جنيه لصالح صندوق تحيا مصر، وقال ياسر جلال: «المرة ديه بعلن عن الجهة والمبلغ اللي اتبرعت بيه لأني بتمنى أن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه.. أنا عارف إن فيه منهم عمل الموضوع قبل كده بس لو عملوا ده تاني يبقي شئ عظيم».
وتابع: «يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي أنا راجل لا غاوي شهرة ولا نجومية أنا بشتغل وبخلص شغلي وبروح أقعد مع مراتي وأولادي وبعمل ده، لأن كلنا شايفين إن البلد بيمر أزمة كبيرة والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض».
