الفنانة فيفي عبده
حرصت الفنانة فيفي عبده على طمأنة الجمهور والمتابعين على حالتها الصحية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.
ونشرت فيفي عبده مقطع فيديو لها من أمام شاطئ البحر، وعلقت عليه قائلة: “أنا في الساحل الشمالي وزي الفل.. وصحتي زي الفل الله أكبر عشان محدش يحسدني ولا يقر عليا وبحبكم أوي.. وخمسة في عين العزال اللي بيقروا عليا وبيتمنولي المكروه.
فيفي عبده توضح حقيقة هجومها على محمد عبده
وسبق وأن نفت الفنانة فيفي عبده هجومها على المطرب محمد عبده ووصفه بالراقصة، وذلك من خلال منشور عبر حسابها الشخصي على موقع تبادل الصور والفيديوهات إنستجرام.
وكتبت فيفي عبده من خلال خاصية استوري: أولا فنان العرب الفنان الكبير محمد عبده ده من الناس اللي بحبهم وبحترمهم جدا ولو نزلت فيديو لأغنية عجبتني لشيرين عبد الوهاب فا أكيد أنا ما قرأتش الكلام اللي مكتوب عليها.
وتابعت: أنا عملت ليها شير من التيكتوك لمجرد أن الأغنية عجبتني فقط لا غير، ولو كنت قرأت الكلام أكيد مكنتش نزلتها، ولما بنتي فتحت الاستوري وشافتها شالتها فورا، ودا عيب أني ماكملتش دراستي ومقرأتش الكلام، الله يخربيت اللي كتبها، وطبعا أنا بكن كل الحب والتقدير للفنان الكبير محمد عبده وبلاش بروباجندا ملهاش لازمة من الميديا أكيد واضح أنها مش مقصودة.
فيفي عبده وشيرين عبد الوهاب
وعلى صعيد آخر، حرصت الفنانة فيفي عبده التعليق على الانتقادات التي توجه للفنانة شيرين عبد الوهاب بسبب بعض تصرفاتها العفوية، وذلك خلال لقاء لها ببرنامج ET بالعربي.
وقالت فيفي عبده: هو الفنان دا مش بني آدم؟.. هو أنت ليه عايز تقول أن الفنان دا مش من حقه يعمل أي حاجة.. ازاي؟.. يعني أنا لو دمي خفيف وبهزر مع الجمهور وطلع منها لفظ من غير ما تقصد، وهي بتتراجع وجمهورها بيقولها، احنا بنحب جمهورها، وزي ما بيقول الجمهور احنا ماشيين وراه.
وكانت فيفي عبده كشفت في بداية يوليو الماضي عن تعرضها لوعكة صحية لأزمة صحية جديدة، بعد أيام من خضوعها لجراحة في العمود الفقري.
ونشرت فيفي عبده عبر حسابها في موقع التواصل الاجتماعي Instagram مقطع فيديو ظهرت به على فراش المرض، ووجهت رسالة لجمهورها قالت فيها: “مساء الفل والياسمين والهنا من مصر أم الدنيا، عايزة أقول لكم كل خروجة بمشكلة بالنسبالي”.
وأضافت: “حصل عندي هبوط وبيحللوا لي وحبيت أسجل لكم اللحظة دي، وأنا كل يوم بتألم من المشاكل دي”.
وتابعت: “إدعولي ربنا يؤذي المؤذي وربنا ينتقم من أي حد بيفكر يضايقني أو يعمل حاجة تعرقل حياتي، حسبي الله ونعم الوكيل في اللي يضرني، عليك خلاص الحق يا رب”.
وكانت فيفي عبده كشفت في تصريحات لبرنامج ET بالعربي تفاصيل العملية الجراحية التي خضعت لها قائلة: “فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لإن الصحة تاج، ومال الدنيا من غير صحة ولا حاجة”.
وأضافت: “وأنا داخلة أعمل العملية بيدورا على العروق في إيدي مش لاقيين، وابتدوا يعملوا لي فحص لقوا القلب فيه رفة، وطلبوا بسرعة دكتور قلب وأخذت مخدر وعملوا منظار على القلب علشان يشوفوا هل القلب تعبان فعلا، ولما اطمنوا كان جاهزين بغرفة عمليات العمود الفقري”.
يشار إلى أن فيفي عبده عرض لها في رمضان 2022 مسلسل “شغل في العالي”، من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.
وتابعت: لكن احنا بردو بشر وبني آدمين، ومن حقنا الناس تشوف حياتنا العادية، وكلامنا العادي، ومش لازم نبروز الكلام، والموضوع اختلف تماما عن ما كنا زمان.
