تامر هجرس يحكي تفاصيل مرضه: جراحة دقيقة لمدة 10 ساعات في الظهر أنقذتني من الشلل

الفنان تامر هجرس

قال الفنان تامر هجرس، إنه تعرض لحادث أثناء قيامه بإحدى الأنشطة الترفيهية منذ زمن، موضحاً “كنت بلعب لعبة زي التسلق علي الحبل كده ووقعت من فوق ٢٥ متر علي صخرة وأيديا اتعوروا وبقيوا علي العضم .. وبعدها بـ ١٥ سنة وقعت علي صخرة وحصل شرخ في عظمة بين الفقرات”.

وأضاف “تامر هجرس” خلال حواره التليفزيوني في برنامج “واحد من الناس” المذاع علي قناة “الحياة” الفضائية، أن بعد الحادثة الأخيرة استوجب عليه الدخول لغرفة العمليات حتى لا يحدث له شلل في قدمه، وبالفعل قام بإجراء عملية جراحية في ألمانيا لمدة ١٠ ساعات كاملة.

وتابع تامر هجرس، أن من المفترض أن تكون وقت العملية ٣ ساعات فقط ولكن استغرقت هذا الوقت نظراً لأن قدميه كانت تنزف الكثير من الدماء خلال إجراء العملية.

وأشار: “بحلم أجسد شخصية الفنان العالمي عمر الشريف، ومن وقت ما طلعت بعد فيلم بركان الغضب والناس بتشبهني بيه من حيث الصوت، وبعدها اتعرفت عليه من خلال صديق وكنا بنقعد سهرات كتير ويسرا معانا وهو بيحكيلي عن مغامراته وحاجات شخصية جدا”.

في نفس اللقاء، كشف الفنان تامر هجرس، حقيقة خلافه مع الفنان محمد رمضان بعد فيلم “الديزل”.

علاقة تامر هجرس بمحمد رمضان 

وأكد تامر هجرس: “أنا معنديش خلاف مع محمد رمضان بالعكس أنا بحبه جدا، هو طلب مني أعمل فيلم الديزل، وعملت الدور جدعنة ليه ولكريم السبكي، وأحمد السبكي، ومكنتش مقتنع بالفيلم ككل”. 

مشهد تامر هجرس ومحمد رمضان في الديزل 

وأضاف: “المشهد اللى حصل بيني وبين محمد رمضان في فيلم الديزل، اللى هو انزل على ركبك يلا بلاقي فانز كتير بيمثلوه، فلقيت أن الدور عمل بصمة”.

مشكلة فيلم الديزل 

وأكد: “مأخدتش فلوس عن دوري في فيلم الديزل، وعملته حبا في الشخصيات اللي ذكرتها، ومندمتش على العمل، ولكن كنت شايف إنه ممكن يستخدمني أحسن من كدة في حاجات معينة، بس دي بتبقى آراء إخراج، بس مفيش ولو مشهد ليا اتشال من الفيلم”.

موقف تامر هجرس من العمل مع محمد رمضان 

وتابع: “محمد رمضان لو عايزني في عمل مفيش مشكلة أشتغل معاه تاني وهو حبيبي، وبنتقابل على طول”.