المخرج شريف عرفة
أحيا الفنان مصطفى قمر حفل زفاف فطيمه ابنة المخرج الكبير شريف عرفة أمس الجمعة الموافق 26 مايو، في أحد الفنادق الكبرى.
مصطفى قمر في برنامج أنغام
على الصعيد الآخر، قال مصطفى قمر خلال استضافته في برنامج أنغام: كنت ساكن في مكان شعبي في المنشية في اسكندرية وكنت ساكن في بيت عيلة وكانت احاسيس حلوة متتكرش وذكريات كتير.
وتابع: وانا في 4 ابتدائي كان عندي مُدرسة اسمها أم كلثوم قالت مين يحب يعزف على آلة المندولين رفعت ايدي وانا كنت بتكسف بس بدأت اتعلم مندوبين وبابا جابهولي من واحد بتاع روبابكيا، وبعدها اتعلمت جيتار.
تصريحات مصطفى قمر التليفزيونية
واستطرد: بابا قالي على اغنية فيها كلمتين خارجين وأنا صغير كنت بحفظ الكلام وقالولي في الحضانه قول نشيد وانا افتكرت الاغنية اللي بابا قالها وقولتها في الحضانه وساعتها جابوني وقالولي مين حفظك النشيد ده وجابوا بابا وحصل مشكلة.
وأضاف: أنا عملت نفس الموقف ده مع إياد أبني ومرة كنا في المنتزة في اسكندرية وبنتفرج على قصر الملك فاروق وأنا قولتله ده قصر جدك وراح قال لكل صحابه أن جده الملك فاروق.
واستكمل: أنا عندي 4 أخوات وأخويا الصغير علمته جيتار وغنى وعمل ألبوم بس الموضوع ممشيش معاه وسافر أمريكا وحاليًا هو دكتور علاج طبيبعي بس بطلعه معايا على المسرح يغني في حفلاتي في اسكندرية.
وأضاف: كنت كل يوم في ثانوي ببص في السقف واتخيل اني عبد الحليم حافظ واعمل أفلام وأغني وكنت بستنى اروح انام عشان اعيش الحلم الجميل ده لغاية ما روحت الجامعة وبدأت مشواري الغنائي.
مجموع مصطفى قمر في الثانوية العامة
وكشف: جبت في ثانوية عامة 76% وكان نفسي أدخل كلية هندسة ومجموعي كان جايب هندسة الزقازيق وابويا صمم أني أدخل كلية تجارة وانا من اول يوم مش حابب الكلية ودخلت كلية التجارة بالجيتار مش بكشكول المحاضرات من أول يوم وفي اسكندرية كانت لقطة غريبة أن حد يمشي في الشارع في اسكندرية بالجيتار ويدخل الجامعه بالجيتار.
فيلم «الصف الأخير»
يُذكر أن فيلم «الصف الأخير» يشارك فيه عدد من الفنانين، منهم بيومي فؤاد وتيام مصطفى قمر ومحمد عبدالعظيم، وعدد آخر من الفنانين، إضافة إلى 20 وجهًا جديدًا تم اختيارهم من اختبارات الأداء ومن مركز الإبداع للمخرج خالد جلال.
من ناحية أخرى، يواصل الفنان مصطفى قمر التحضيرات الخاصة بفيلمه الجديد “أولاد حريم كريم”، حيث يأتي كجزء ثانٍ لفيلم “حريم كريم” بعد نجاح الجزء الأول الذي عُرض عام 2005.
