الفنانة شيرين رضا
حلت الفنانة شيرين رضا ضيفة على برنامج “أنا والقناع”، الذي تقدمه الإعلامية منى عبد الوهاب عبر شاشة قنوات الحياة وسي بي سي، والتي كشفت خلاله تصريحات جريئة ينقلها الأجواء في ذلك التقرير.
تصريحات شيرين رضا في برنامج أنا والقناع
كنت بحب أبويا جدا هو قعد 10 سنين تعبان فكان صعبان عليا، كان بيطلع السلم جري ومبيحبش يطلع في أسانسير وإنه أشوفه محبوس في جسم تقريبا خلص، مش قادر ياكل ولا يشرب ولا يعمل أي حاجة.
كنت بدعي إن ربنا يرحم أبويا عشان يرتاح وفي نفس الوقت مكنتش عيزاه يمشي.
أنا فاشلة في الجواز ودخلت علاقة حب بس مكملتش.
عمري ما هبقى أمينة ولا سي السيد.. أمينة منسحقة معندهاش امل تتعلق بيه ولا هدف.
لو انتي مرتاحة وانتي أمينة متشتكيش مثلي الدور لحد أخره.
براد بيت فتى أحلامي ولو شوفته هقوله بحبك وياريت يوافق.
بحب الحياة والضحك والهزار وأعتقد الرجالة بيحبوني عشان كدة وبيخافوا من وشي التاني.
أخر أعمال شيرين رضا
يذكر، أن أخر أعمال شيرين رضا مشاركته في مسلسل وبينا ميعاد إلى جانب الفنان صبري فواز، بسمة، مدحت صالح، وفاء صادق، خالد أنور، محمد سليمان، نادية رشاد، داليا شوقي والعديد من الوجوه الجديدة، من تأليف وإخراج هاني كمال، وحقق نجاحات كبيرة خلال فترة عرضه.
ويدور مسلسل وبينا ميعاد حول عائلتين مختلفتين؛ عائلة حسن ويقوم بدوره صبري فواز، الذي توفيت زوجته وتركت له أربعة أولاد وهم علي وطاهر ومراد ومصطفى، أنشأوا على الديمقراطية، وعائلة نادية و تجسدها شيرين رضا، التي طلقها زوجها تاركا لها أربع فتيات وهن: «أروى وهند وليلى ونيللي»، نشأن على الكبت والدكتاتورية، تحاول الفتيات الخروج من تحت سيطرة الأم لممارسة حياتهن العادية، لكن الأم تراقب الجميع طوال الوقت.
صناع مسلسل وبينا ميعاد يحتفلون بنجاحه
وكان قد احتفل أبطال مسلسل وبينا ميعاد الشباب بـ نجاح العمل تزامنا مع عرض الحلقة الأخيرة، فكتب أسامة الهادي: مسلسلنا وبينا ميعاد .. رحلة من الانبساط والفرحه والشغف والتعب كملت بكلامكم وردود افعالكم اللي عدت كل حاجة كنت متخيلها .. عيلة وبينا ميعاد شكراً مليون مرة على كل حاجة حب كبير، بينما كتبت أية سليم: وبينا ميعاد هتوحشوني يا احلي عيله عيلتي التانية، و شكرا يا احلي جمهور علي ردود افعالكم و كلامكم الحلو.
