عفاف مصطفى للقائمين على مسلسل وسط البلد: ليه مشتغلش فيه.. وبتواصل مع المنتجين ولا أحد يهتم
كتبت: ياسمين ياسر
استنكرت الفنانة عفاف مصطفى عدم مشاركتها في مسلسل وسط البلد الذي حقق نجاح كبير، وذلك عبر حسابها الرسمي بفيسبوك.
عفاف مصطفى ومسلسل وسط البلد
وكتبت عفاف مصطفى: ليه ماشتغلش في مسلسل وسط البلد؟.. بتواصل مع مخرجينه ومديرين انتاجه من ساعة تحضير اولي حلقاته ولا من مجيب.
وتابعت: عدد اللي اتصور 190 حلقه ومتوقع 384 حد يهتم بسؤالي من القائمين عليه وشاكره افضالهم.
عفاف مصطفى: هو المسلسل حكر على ناس معينة!
كما استمرت الفنانة في التساؤلات حول عدم مشاركتها في هذا المسلسل، بالرغم من طرق جميع الأبواب للقائمين عليه، وكتبت في التعليقات: والله مافاهمه في ايه.. هو حكر علي ناس معينه ولا في ايه؟ بيصعب عليه اتواصل معاهم من ساعة تحضير اولي حلقاته لغايه النهارده والمخرجين بتوعه حوالي 3 او اربعة.
وأضافت: لأنه اجزاء وتواصلت معاهم ومع كل مديرين انتاجه وبتزنقوا ساعة التصوير بممثلين مرتبطين باعمال تانيه ويحصل لهم ضروب بسبب زنقة الممثلين.
عفاف مصطفى للقائمين على المسلسل: خلوني حتى لساعة ما تتزنقوا أنا سدادة
واستكملت عفاف مصطفى كلامها: طب يا اهل الخير بقولكم خلوني حتي لساعة لما تزنقنوا انا سداده الحقكم برنة تليفون وده مش تقليل مني لنفسي لا ده تواضع وحب لمهنتي والقائمين عليها.
واختتمت الفنانة كلامها: اتمني صوتي مع الرساله دي توصل لشركة الانتاج والمنتج.. والله الموفق.
مسلسل وسط البلد يستجيب لـ عفاف مصطفى
وعلى الفور استجاب لها المخرج أحمد شفيق خرشيد الذي علق على المنشور: ليه انتي كلمتيني وانا مرديتش.. ابعتيلي رقمك وانا اللي حكلمك.
وأيضًا الممثل ومخرج الحركة يوسف سليمان، الذي كتب لها: ما انا بتواصل مع حضرتك مش بتردي عليا يا فنانة.
وكان ردها عليه: تليفوني موجود في كل شركات الانتاج وغير كده انا ماسكه التليفون ومربوط في ايدي عشان ببقي منتظره رنه تليفون ممكن تكون فيها خير وشغل لي.
