كتبت: ياسمين ياسر
طالبت الفنانة لقاء الخميسي؛ جمهورها باحترام آرائها وأفكارها، مشيرة إلى أن كل فرد لها ثقافته ومعتقداته الشخصية، ولا بد احترامها أو رفضها دون الهجوم.
وقالت لقاء الخميسي خلال فيديو عبر حسابها الشخصي بموقع تبادل الصور والفيديوهات انستجرام: رجاء من كل الناس اللي بتتابع السوشيال ميديا.. اللي بيحب حد يدخل عنده ويقوله كلمتين حلوين أو يصمت.. مبتحبش متقولش ممكن نختلف في الأراء، لكن لازم نتعلم إزاي نحترم الاختلاف.
وأضافت الخميسي: ياريت نبطل نهين بعض، ونرفض أفكار بعض كل واحد زي ما تربى، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك.. الحاجة بقت تزهق بصراحة.
وأوضحت لقاء الخميسي: الممثل عنده نفس التفاصيل اللي بتمر بيها.. أزمات نفسية ومادية وعائلية ومشاكل ومنحبش نوريكوا مشاكلنا.. إحنا موجودين في الدنيا علشان خاطر نبسطكم ونفرحكم ونقدملكم محتوى يغير مودكم.
واختتمت الخميسي، قائلة: إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حِبونا شوية وادونا هوا، وشوفونا بني آدمين طبيعين.. عندنا مشاكل وصدقوني مفيش حد في العالم معندوش مشاكل.. كل واحد ربنا بيديله على قد قدراته.. الرحمة حلوة ياجماعة.
لقاء الخميسي تدعم زوجها
كانت لقاء الخميسي، قد دعمت زوجها محمد عبد المنصف، بعد تعرضه لهجوم كبير مؤخرًا، بسبب ارتدائه تي شيرت الزمالك، خلال احتفاله بحصول نادي الزمالك على الدوري، إذ أشارت إلى أن زوجها عمل في النادي أكثر من 11 عامًا، وولائه الأول والأخير له.
