كتبت جهاد عصام
في تصريحات لمحمود حمدي الونش مدافع الفريق الأول بنادي الزمالك
تحدث عن فخره وانتماءه للفارس الأبيض قائلاً
شرف كبير إني أكون في النادي ،بداية بدأتها مع نادي الزمالك وأنا جاي من الجيش محدش كان يعرفني بشكل كبير ، طبعاً نادي الزمالك خيره عليا.
مخدتش وقت في التفكير إني أمضي للزمالك شرف كبير إني أكون منتمي لنادي الزمالك ولحد ما أبطل كورة هكون منتمي للزمالك شرف كبير لأي حد
وأضاف :
أنا متفائل جداً السنادي لأن النجاح دايما بييجي من النظام وكله بيمشي على خط واحد ودي حاجة أنا سعيد بيها.
فترة الإعداد كله مركز وكلنا قافلين على بعض ومعانا مدرب عنده شغف ولاعيبة صغيرة في السن ، الكل بيحب بعض والكل عايز ينجح.
أتمنى جمهور نادي الزمالك يكون واقف في ضهرنا زي ما عودنا إنه دايما في ضهرنا ومتفائل إننا هنعمل حاجة الموسم ده تليق بالجمهور.
تنطلق الجولة الأولى للفارس الأبيض الجمعة 8 يوليو أمام فريق سيراميكا كليوباترا في تمام الساعة 9 مساءً على ستاد هيئة قناة السويس حيث ينتظر عشاق الكرة المصرية بشكل عام وعشاق القلعة البيضاء بشكل خاص مباراة مثيرة تجمع بين الفريقين في أول إختبار رسمي ل يانيك فيريرا المدير الفني الجديد لنادي الزمالك .
